ដល់ពេលចូលវិញហើយ!

មកដល់សៀងហៃកន្លះខែហើយ តែមានអារម្មណ៍ដូចជាយូរដល់ហើយ សង្ស័យមកពីនឹកផ្ទះផង ហើយស្រីតែឯងទៀត sigh ឆ្លៀតឱកាសយប់ស្ងាត់​ឯកោ​មកភូមិលេងកំសាន្ត សង្ស័យតែគេភ្លេចខ្ញុំអស់ហើយមើលទៅ!! អ្នកទាំងអស់គ្នាសុខសប្បាយទេ?? ខ្ញុំដូចជាមិនទាន់ទំលាប់នៅនេះនៅឡើយទេ ត្រូវការពេល​វេលា ម្ហូបគឺជាបញ្ហាសំខាន់ អារសជាតិចិននឹងដូចជាពិបាកបរិយាយដល់ហើយ ដឹងតាអត់ចូលចិត្តហ្មងនឹង!! ឆ្នាំនេះរៀនចិនមួយឆ្នាំសិន បានចូលជំនាញ ហើយក៏ជាពេលខ្ញុំត្រូវផ្លាស់ទីទៅហាងចូវដែរ ៥ឆ្នាំដូចជាយូរដល់ហើយ!!

En vacances!

បិទបើកៗចប់ឆ្នាំទី១បាត់ ទើបប្រលងហើយក្តៅៗ ចាំអ៊ុតមើលលទ្ធផលខែក្រោយ!! អត់ចង់​បានច្រើនទេ ចំណាត់ថ្នាក់ក្រោម២០ប្រចាំជំនាន់ទី៣០នេះបានហើយ!! វ៉ាកងហើយ អត់ដឹង​ធ្វើអីទេ ក្រៅពីគេងហើយងើបឡើងញ៉ាំ គ្មានអីជាពិសេសសោះ! ប្រលងគណិតលើកនេះ ដូច​ស្រួលទេ ប៉ុន្តែភ្លីភ្លើគិតលេខច្រលំ ហាហា ខ្មាសគេណាស់ 2!=4​ !!!?? ទៅចឹងទៅ មិនសម​សោះ មិនដឹងគ្រូសើចប៉ុនណាទេ ចឹងបានថាកុំអោយមើលងាយលំហាត់ស្រួល!! ស្តាយ​ក្រោយក៏យឺតពេលដែរ ទៅពិចារណាកំហុសមុខព្រលឹងដូនតាសិន បាយបាយ!!

ប៊ែកហូម!

!ឡ! (ភាសារបស់បងភានិងវិចូច) ខានមកលេងយូរហើយ មានអារម្មណ៍ថានឹកបងប្អូនដល់ហើយ!!! ចង់updateអោយញឹកញាប់ដែរ ប៉ុន្តែចេះតែរវល់​រឿង​facebookពេក ហិហិ សុំធ្វើReportពីការសិក្សាខ្ញុំតិច មានអារម្មណ៍ស៊ាំនឹងកិច្ចការទាំងតោន ការប្រលងបណ្តាក់គ្នាដូចខ្យងហើយ កាលមុនដំបូង អោយ​តែ​ប្រលងចេះតែភ័យខ្លាចធ្វើមិនចេញ ឥលូវគ្មានអារម្មណ៍នឹងទៀតទេ ព្រោះដឹងថាធ្វើមិនចេញស្រាប់ហើយសំរាប់ការប្រលងមុខវិជ្ជា​វិទ្យាសាស្រ្ត ហាហាហា ប្រលងរាល់ដងគឺត្រូវតែមានលំហាត់អត់ចេះធ្វើយ៉ាងតិចក៏១ដែរ!! មុខវិជ្ជាមេរៀន មិនចោទជាបញ្ហាធំដុំទេ គ្រាន់តែត្រូវការពេលវេលាច្រើនទន្ទេញ​បែក​ពពុះ​មាត់ប៉ុននឹង !ឡ! ឆមាសទី២នេះ មុខវិជ្ជាដែលស្រលាញ់ជាងគេ គឺDessin Technique, Thermo(អត់សូវចេះទេ ប៉ុន្តែគ្រូឌីថាដំបូងចឹងហើយ), Informatique TP កំពុងរៀនសរសេរប្រូក្រាមតាមPython មានអីសប្បាយគិតតា៎!! ស្អប់ជាងគេគឺAnalysed, Environnement… ការរីកចំរើនដែលកត់សំគាល់គឺCritical Thinking កាលពីមុន ពេលដែលលំហាត់ដែលមិនដែលធ្វើ មិនដែលជួបគឺបោះបង់ចោលតែម្តង ឥលូវចេះមានគំនិតគិតទោះលទ្ធផលមិនត្រូវក៏ដោយ អរគុណ​! ជួបគ្នាលើកក្រោយ!!
អូ!! ភ្លេចប្រាប់ នៅតិចណូជិតធ្វើពិព័រណ៍វិទ្យាសាស្រ្តលើកទី២ហើយ!!

ចូលរួមជាមួយខ្ញុំ!

ជាប់ដៃប្រយុទ្ធនៅសាលា តាំងពីមានកំណែទំរង់ថ្មីគឺថាដាក់លំហាត់អោយធ្វើមុនរៀនមេរៀន ដើរស្រាវជ្រាវចំលើយគ្រប់មធ្យោបាយ មិនថាអាក្រក់​រឺល្អ​ត្រូវតែធ្វើអោយបាន ចំលងទៅវិញទៅមក ហិហិ ចេះតែប្រឹងទៅ ទាន់ខ្លួននៅក្មេង ត្រូវទេ? ឥលូវរង់ចាំថ្ងៃ៨មកដល់ ជាថ្ងៃដែលខ្ញុំនឹង​បញ្ចេញ​​សមត្ថភាព​ពិសេសនៅសាលាគឺលោតបាវ និងរាំរែក បើបងប្អូននិស្សិតណាចង់ចុះឈ្មោះលេងដែរ សូមអញ្ជើញមកតិចណូកន្លែងសមាគមនិស្សិត បើ​សិនជា​ចង់​ញ៉ាំអីរួមគ្នាទៀត អាចចុះឈ្មោះដោយបង់៥ដុល្លា(សំរាប់និស្សិតក្រៅពីតិចណូ) មានម្ហូបឈ្ងុយឆ្ងាញ់ពិសារ ធានាថានឹងជក់ចិត្តដិតអារម្មណ៍ នេះ​ជា​កម្មវិធី​ចូលឆ្នាំដែលមានទ្រង់ទ្រាយធំជាងរាល់ឆ្នាំ ហិហិ កុំខ្មាសអៀនអី ក្លាហានចូលរួមជាមួយខ្ញុំ!
សូមចូលប្រធានបទមួយទៀត គឺអរគុណMr.វិសាល(តាទន្សាយ) ដែលអោយខ្ញុំនូវwire puzzle មិនមែនអោយទេ គឺខ្ញុំយកដោយខ្លួនឯង ហិហិ ហើយរីករាយដែលបានស្គាល់អ្នកគ្រូភា និងលោកតាសាយ័នប៉ុន្មានថ្ងៃនេះហាហា ជួបគ្នាលើកក្រោយ!!

ស្តាយណាស់ ខកម៉ាជើង!!

សិស្សTechnoដែលមួយៗមើលទៅខំរៀនណាស់ មិនដែលនឹកស្មានថាឡូយចឹងសោះ គេជប់លៀងបុណ្យ៨មិនាអោយហើយកាលពីថ្ងៃពុធនេះ ពេល​ល្ងាចពួកសមាគមដាក់ធុងបាសរាំក្រោមអគារA ខ្ញុំជាប់រៀនបារាំងនៅCCF អើយ!លឺគេនិយាយថាសិស្សឆ្នាំទី៣ឡើងរាំបទកូរ៉េI need a girl ហើយម្នាក់ស្រីរៀនឆ្នាំទី៣ដែរនឹងរាំបទlollipop មួយៗចាក់ក្បាច់កប់ស៊េរី ស្តាយណាស់ដែលអត់បានទៅបញ្ចេញស្នៀតនឹងគេ ប៉ុន្តែថ្ងៃ៨ ខែក្រោយ​ គេ​ធ្វើ​ពិធីប្រារព្ធចូលឆ្នាំខ្មែរនៅសាលា មានរាប់បាត្រ ល្ងាចឡើងរាំធុងបាសទៀត លើកនេះលែងអោយខកខានហើយ!!! អ្វីដែលចាប់អារម្មណ៍ គឺ​ថា​សិស្ស​ស្រី​តិចណូស្អាតច្រើនតា៎! អូ!​បុណ្យFrancophonieជិត​មក​ដល់ហើយ អ្នកខ្លះឡើងច្រៀង រាំ បង្ហាញម៉ូត សំដែង….ឯខ្ញុំចង់ឡើងសំដែងដែរ ប៉ុន្តែភាសាបារាំងនៅមានកំរិត ប្រហែលចាំឆ្នាំក្រោយហើយ​!!
សាលារៀនយ៉ាប់ជាងគេ ប៉ុន្តែដូចជាសប្បាយជាងគេ!! ហាហា

The World Scholar’s Cup!

ចូលFacebook ឃើញការផ្សព្វផ្សាយពីការប្រកួតប្រជែងនេះ មើលទៅគួរអោយចាប់អារម្មណ៍ ក្រោយពីអានប៉ុន្មានត្រួស ឃើញថា​ប្រទេស​យើង​បានចូល​រួមតាំងពី2008 តែដូចជាមិនដែលបានលឺសោះ ដើម្បីបានពត៌មានកាន់តែច្បាស់ : សូមហោះតាមនេះ

មេឃក្តៅមិនខ្លាំងដូចចិត្តក្តៅទេ!

ថ្ងៃនេះ ខ្ញុំពីរនាក់ប្អូនជីដូនមួយខ្ញុំទៅIBCនិងluckyដើម្បីទិញរបស់ខ្លះសំរាប់ប្រើប្រាស់ មានអីអាជ្រុងស្តុបពេទ្យចិននឹង ប៉ូលីសទំនេរពីរនាក់មកកាក់​ហៅ​អោយ​ឈប់ ដល់ពេលសួរខ្ញុំខុសអី ខ្ញុំមានឆ្លងស្តុបក្រហមឯណា គេថាគ្មានអីទេ ចង់ឆែករកកាតគ្រីម៉ូតូនិងប័ណ្ណបើកបរម៉ូតូ ពេកហ្មងណាគេ​ទៅដាក់​កាតគ្រីតាមខ្លួន លឺចឹងហើយ ថាខ្ញុំក្តៅអើយក្តៅ ប្អូនខ្ញុំវានិយាយ​លំទោនសុំអោយលើកលែង ខ្ញុំទ្រាំមិនបានក៏ថាអោយ​មិនបាច់ទេ តេហៅប៉ាអោយ​យក​មក ម៉ាតែយើងមានតា៎ ខ្ញុំក៏តេប្រាប់គាត់អោយយកមក ឯបងប្រុសខ្ញុំ​គាត់ខ្លាចខ្ញុំចាំ គាត់ថាអោយលុយគេទៅ ខ្ញុំតបវិញយ៉ាងខ្លាំងដោយមើល​មុខ​ប៉ូ​លីស​នឹងតែម្តងថាមិនអោយទេ ដល់មើលក្រឡាដឹងតែអត់បានអី ប៉ូលីសម្នាក់ទៀតចូលមកនិយាយហេតុផលប្រដៅអីណា ប៉ុន្តែគាត់​អោយ​ខ្ញុំទៅ ខ្ញុំគោរពគាត់ តែអាប៉ូលីស​ម្នាក់ទៀតនឹងថាខ្ញុំច្រងេងច្រងាង គាត់មិនចង់និយាយរកទេ(ប្រហែលខ្ញុំមិននិយាយសំរួលអោយលុយហើយ) ខឹងអើយ​ខឹង​ ខឹងឡើងស្រក់ទឹកភ្នែក មុខឡើងអឿ ធ្វើឯងដូចអស្ចារ្យណាស់ចឹង!! ចោរអីចាប់មិនដែរបាន អាចឹងៗដូចស្វាហាប់ណាស់!!

ពីនេះពីនោះ!!

ឆ្លៀតពេលមិនទាន់ចូលរៀន ចង់ចែករំលែកជ្រុងមួយនៃគំនិត ហាហាហា​ គ្មានអីទេ គ្រាន់តែlinkដែលខ្ញុំចូលចិត្តទៅកំសាន្ត ៖

• Exercises Sup
• Free Mathematics Tutorials, Problems and worksheets
• XMATH
• Download King of Idols (sub english)
• Online Course Material

តូចចិត្តខ្លួនឯង!!

phew~ ប៉ុន្មានថ្ងៃនេះដូចជាហេលហាលរសាប់រសល់ម៉េចទេ តាំងពីមានការប៉ះទង្គិចរវាងខ្មែរនិងសៀម ប្រជាជនត្រូវចាកចេញពីផ្ទះខ្លួន ទាហាន​យើង​ពលីដើម្បីជាតិ តែខ្ញុំវិញដូចជាគ្មានបានការអីសោះ ជួយអីមិនបាន អន់ចិត្តមួយ ដល់មូយទៀតគឺ អានcommentលើyahoo news ក្តៅឆេវញ័រសាច់​តា​ហ្មង ពួកសៀមមួយចំនួនដែលឆ្កួតនឹងប្រវត្តិសាស្រ្តលប់ៗpostមកដូចជាមើលងាយខ្មែរពេក ទ្រាំមិនបានទេលោកអើយ ក៏ដាក់ទៅវិញយ៉ាងចាស់​ដៃ​ដែរ ដោយ​សារតែរឿងនេះអត់សូវបានដេកទេ រវល់តែតបទៅតបមក មិនដឹងពន្យល់ពួកនឹងថាម៉េចទេ មិនចេះស្តាប់ហេតុផលសោះហើយ ចឹងហើយ​បាន​ជា​មិនចង់​​ប៉ះកំព្យូទ័រសោះ ព្រោះអោយតែបើកឡើង ចេះតែរមាស់ដៃចូលទៅមើល ហើយមាត់នឹងនៅមិនស្ងៀមចេះតែថាទៅ នេះមិនមែនជាដំ​ណោះ​ស្រាយ​ទេ ខ្ញុំ​ខ្លួនឯងតែម្នាក់ក៏វែកញែកមិនឈ្នះដែរ លុះណាតែជនជាតិថៃ​ព្រមទទួលយកអ្វីដែលជាការពិត និងសៀវភៅប្រវត្តិសាស្រ្តឆ្កួតៗនឹង ធ្វើអី​មិន​បានតូចចិត្តណាស់!!!!! ជិតចូលកងទៀត គ្មានអារម្មណ៍ទេ!!!

linkដែលមានcommentមួយចំនួនគួរតែដាក់អោយចាស់ដៃ។

 

ធូរចិត្តដែរ!!

ថ្ងៃទីមួយនៃការប្រលងឆមាសបានកន្លងផុត ហាហាហា មិនសូវជាខូចចិត្តទេ ព្រោះគិតថាធ្វើត្រូវបានច្រើនគួរសមដែរ និយាយទៅ​ប្រលងធរណីមាត្រ​ចេញផ្នែក similitude ដល់ទៅ៣ ខ្ញុំយល់មេរៀននឹងខ្លាំងជាងគេ​ តែខ្នាញ់ខួរនឹងចេះតែភ្លេចអារបស់ម៉ាចិបម៉ាចឹប ក្តៅហ្មង!! សាលាចិត្តល្អដែរ​ដែល​ចេញ​អេលីបអោយយកពិន្ទុស្រួល គិតថាស្រួលចាំចុងក្រោយ មានអីដាច់កន្ទុយបាត់ គ្រូប្រមូលបាត់!! តែយ៉ាងណា ក៏មិនបាច់កក់​សំបុត្រសំរាប់​ជើងហោះហើរ​ខែ៩ប្រលងសងដែរ ហាហាហា ពេលខ្ញុំវ៉ាកង ចាំខ្ញុំមកអើតម្តងទៀត ហត្ថលេខានិងត្រាចាប់ហួយ!!